Google-ல் பிழையை கண்டறிந்த தமிழக இளைஞருக்கு பெரிய பரிசு தொகை வழங்கி கௌரவித்த கூகுள் நிறுவனம்

உலகில் பெரும்பாலான மக்கள் அதிகம் பயன்படுத்தும் முன்னணி நிறுவனங்களான கூகுள் நிறுவனம் ஆகும். இதனைத்தொடர்ந்து அப்ளிகேஷன் முதல் தகவல் பரிமாற்ற முறை வரை அனைத்திலும் கூகுள் நிறுவனம் முக்கிய பங்கு வகித்து வரும் கூகுளில் பிழைகளை கண்டுபிடித்து தருபவர்களுக்கு அந்நிறுவனம் சன்மானம் அளித்து பாராட்டி வருகிறது. அந்த வகையில் கூகுள் அப்ளிகேஷன் ஒன்றில் தவறு கண்டுபிடித்ததற்காக தமிழக இளைஞர் ஒருவருக்கு கூகுள் நிறுவனம் பரிசுத்தொகை வழங்கியுள்ளது.

தமிழகத்தில் சென்னையில் ஆவடி பகுதியை சேர்ந்த ஸ்ரீராம் கேசவன் என்பவர் பொறியியல் பட்டதாரியான இவர் கூகுளில் appsheet என்ற அப்ளிகேஷன் தயாரிப்பதற்கான செயலியில் வாடிக்கையாளர்களின் தகவல்கள் மற்றும் அவர்களின் படைப்புகள் திருடப்படுகிறது என்ற பிழையை கூகுள் நிறுவனத்திற்கு சுட்டிக்காட்டி அனுப்பியிருந்தார். அவரின் இந்த சேவையை அங்கீகரித்து google நிறுவனம் அவருக்கு இந்திய மதிப்பில் சுமார் rs 2,30,000 பரிசுத் தொகை வழங்கி பாராட்டியுள்ளது. மேலும் அவரின் பெயரை Google  Hall of fame -ல் இணைத்து மரியாதையும் செய்துள்ளது.